توێژینەوە: لە هەر چوار گەنجیگ، یەکیگیان ئەرا هەمیشە وە سینگڵی مینێد
شەفەق نیوز/ توێژەرەیل ناوەن "پیو" لە ئەمریکا تويژینەوەیگ لەبارەی هاوسەرگیری لەناوەین گەنجەیل ئەنجامدانە ئەرا ئێ مەبەستە داتای زیاتر لە سێ ملیۆن کەس وەرگردنە و رەسینەس ئەو ئەنجامە کە لە هەر 4 گەنجیگ یەکیگیان ئەرا هەیشە وە سینگڵی مینێد تا کۆتایی ژیانی.
وەپای توێژینەوەیگ ئەمریکی لە ئەنجام وشکنین داتای تەندروستی 9032 کەس ەرا ماوەی هەشت ساڵ وە وەردەوامی، دەرکەفتیە؛ کە تەنیایی کاریگەریی راستەوخوەی لەبان تەندروستی دانرێد و ئەگەر مردن پیشوەختە زیاتر کەێد.
هەمیش دەرکەفتیە هەسکردن وە تەنیایی کاریگەری لەبان پەستان خوین و سیستەم دڵو خوینبەرەل و لەهویرەوچگنو لاوازی یادگە دیرێد، هەمیش وەپای 150 توێژینەوەی جیاجیا ئەو کەسەیلە لە پەیوەنی کۆمەڵایەتیەیلیان رازین تێکرای تەمەنیان درویژترە بەراورد وە ئەوکەسەیلە وە دەس تەنیایی ناڵن، وە جویریگ باس لە زەردەیل تەنیایی کرێد کە کاریگەری هاوشیوەی سیگارکیشان و نوشین نووشەمەنی کحولیەیل و کەمی جویلە و قەڵەویلەبان تەندروسی دیرێد.
