کاریگەری ماوە دریژ کۆڕۆنا لەبان خاسەوبویەیل
شەفەق نیوز/ ناوەندەیل کۆنتڕۆڵ کردن بیماریەگان و مقەیەتی لە ئەمریکا، جومعە، خەوەردان ک ژمارەی گەورایگ لە بیمارەیل کۆرۆنا وەزوی خاسەو نێەوون، و لە کاریگەری وەردەوامیگ زیان دوینن، جوور شەکەتبوین وقوتە.
وەگورەی راپۆرتیگ لە ئەو ناوەندەیلە دەرچگە، نزیکەی یەک لەسێ بەش لە تووشهاتگەیل کۆڕۆنا لەوانەگ بیماریەگەیان تا ئەو ئاستە نەڕەسیە بچنە خەسەخانە، تەندروسییان نەهاتەو ئەرا رەوشە سروشتیەگەی تەنانەت دویای سێ هەفتەیش دویای تووشهاتنیان.
تووڕ ''ئین بی سی نیوز'' خەوەری لە زوان کیت بۆرتەر وت: هیمان تەو دیرێد و شەکەتبوود و دڵی زوەی کوتێد و تەنگە نەفەسە و گرفت لە خەفتن دیرێد، هەرچەن ١٢٩ رووژ رەدبویەسە بان خاسەوبوینی لە ڤایڕۆسەگە.
ناوەندەگان لەوە رەسینە ئەو ئەنجامە ک لە قسەیل ٢٧٤ بیمار کۆرۆنا وەریگردن، ٣٥ لەسەد لەلیان وەتن؛ دویای رەدبوین هەفتەیلیگ لە تووشهاتنمان وەڤایڕۆسەگە بەڵکم هیمان تەندروسیمان نەهاتیەسە جی خوەی، وە ٢٠ لە سەد لەیانە تەمنیان گەنجە ناونی ١٨ و ٣٤ ساڵان.
