شەویگ ئاگرین لە لوبنان

شەفەق نیوز/ فڕۆکەی جەنگی ئیسرائیل، تا شەفەق ئمڕوو، گورزەیلی وەبان کەرت باشوور ، و شار سوور لە لوبنان وەردەوام بوی.

سوپای ئیسرائیل وت: چەک و سەربازگەیل حزبولڵا لە گورزەیل لەشوینیەک لە ساعەتەیل گوزەشتە کردە ئامانج.

لەلای خوەییش، حزبولڵا وت: ئەو بینایلە کە ئیسرائیل پەلاماریان دەێد چەک لەناویان نییە.

ئەوەیش دویای چەن ساعەتیگ لە پەلاماریگ ئیسرائیل کە وە تونترین وبیوینە کریا قەڵەم، وەبان کەرت باشوور بەیروت، و سوپای ئیسرائیل راگەیان کە بارەگای ناوەندی حزبولڵا کردیەسە ئامانج.

رووژنامەی "يديعوت ئەحرنوت" عیبری وت: ئەوانە تونترین گورزەیل ئیسرائیل بوین وەبان شار بەیروت.

دویای ئەوە، فیراس ئەبیەز وەزیر تەندروسی لوبنان راگەیان کە ئەو بینایلە کە فڕۆکەوانی جەنگی ئیسرائیل لە کەرت باشوور بەیروت کردەیانە ئامانج پڕ لە مەردم بوی، و کوشیان و زەخمداری هەس.