منەی سوو کەم

منەێ سوو کەم وەلێ جامێ لە ژاراوەی شەوارم دەن

لە نوو ئەسکێ لە ورشە ورشەگەی چەو گورگ هارم دەن

ئەگەر ئیمشەو لە باپیران گلەو خوەم، رێ نووی بەێدەم

بەسن پام و لە نوو هش گەماڵەیل هەسارم دەن

شەوارینە ! چمان وا لە کەلاوەیل شەغادەو تێ

لە نوو وە تیر ناکاوی لە ئەسپێ ک سوارم دەن

خوداگان یەقە چەرمێ لە بەرزەق هانە موودەێ م

منەی خۊن کەن ! لە بەین مەرگ و زنیانی قەرارم دەن

لە کوو ئادەت وە گەن مردن لە چارە بەرزەگەم نۊساس ؟!

شەوارەیل فرەی سەر دەم لە مەێدانی ک دارم دەن

جەلیل ئاهنگەر نژاد