له‌ کوومه‌ شێعر نه‌رمه‌واران

په‌ژاره تا نه‌گرتێه ‌دوواره حاڵ ئاسمان،

ئڕا م جێ پێا بکه له ژێر باڵ ئاسمان 

چه‌وه‌يل پڕ له خوه‌زێه‌وِد ئه‌گه‌ر ڕۊ ئه‌و هه‌وا بکه‌ن 

 دوواره ئه‌و زوان تيه‌رن چه‌وه‌يل لاڵ ئاسمان 

که‌ڵ کۊه‌ی «بره‌که‌و»م! وه چه‌رخ ناز چه‌و مه‌گه‌ر 

ت چه‌رخنی هه‌ميشه چه‌رخ مانگ و ساڵ ئاسمان !؟

نه‌سيم ناز خوه‌روه‌ده‌ر! سه‌فاێ وه‌هار له‌ێره‌وه‌ر ! 

من و بدوون عشق ت ڕه‌سين وه ‌ماڵ ئاسمان !؟

خوه‌ڵه‌مڕ ئه‌ر بپاشمه تمام بان ئێ زه‌ۊيه 

دوواره ڕيشه که‌ێ له دڵ گوڵ خه‌ێاڵ ئاسمان 

 له‌ ئێ زه‌نان نۊته‌که‌ دڵم چه‌نێگه گيرياس 

وه‌تم جيێ پێا بکه‌ی له ژێر باڵ ئاسمان!

شێعر: جه‌لیل ئاهه‌نگه‌رنژاد