زه‌لان هه‌ڵس! بشێونه‌م

چه‌نێگه هامه جه‌رخه‌گه‌ێ وڵات چه‌فته چاره‌گان 

زه‌لان هه‌ڵس! بشێونه‌م! هه جــــوور گیس داره‌گــان 

هه جوور یه‌ێ شه‌واره‌که‌ر! شه‌که‌ت شه‌که‌ت وه بێ‌‌خه‌وه‌ر!

وه بێ ت بوومه ده‌روه‌ده‌ر له كۊچه‌‌گان شاره‌گـــان

وه سه‌ف وسانه یه‌ک وه یه‌ک وه یه‌ێ چراخ بێ‌نزه‌و 

منه‌ی م که‌ن په‌ژاره‌گان منه‌ی ت که‌ن هساره‌گان

چه‌نێگه بێستۊن منه‌ی«فه‌راێ» ئاشقی نیه‌که‌ێ 

له ساڵِ سمکوو سیه‌ێ «شرین» سه‌رسواره‌گان

***

چراخ تاشه‌گان به‌رز! چه‌وه‌یل مانگ و خوه‌ر تنی !

دجاره باڵێ چه‌و بێیه سه‌هه‌ر له سه‌ردیاره‌گان

جه‌لیل ئاهه‌نگه‌رنژاد