دوو پارچە شیعر
لە ئـــەو ڕووژە ک دیـمەد بۊمە وەیلد
دڵم قــرچێ لـە نــــوو بـۊنم چەوەیلد
وە پیم ئـــۊشن چوە بۊ،ڕا لێوە بۊدە؟
ت مەجـــنوونی!ئەنۊ ها کوورە لەیلد؟
م لێوەم دەرد خوەم هاشا نیەکەم دی
تو لەیلی، ئاخرێ ها کــوورە مــــەیلد؟
تو بۊشی دڵ بیە گــــیانم ئـــڕاد دەم
ئە بیلی سەر سپـــــــارم وە خەوەیلد
هە چۊ ڕێوار ڕێ کــــاوە لە شــــووند
شەوێ داچـــووڕیەم لە ئــــەزرەتەیلد
م_دهبانی_ڕێوار
کەڵ کـــۊەسەو , وە دەسەو نیــەتێ !
وەێ بانە بانە , خوو خەسەو نیــەتێ !
وە سەر و وە گیان , چمە خــــزمەتێ
یە خوو وە پیری , هەرکەسەو نیەتێ !
وە بان دیـــــــــدەم , ئۊشێ ڕێ نییە
وێانگ تیەرێ , ڕێ هــــــەسەو نیەتێ !
وەتم خوو ; کەڵ قــــــــــەێ بانەزارە
وەێ خوارەخوارە , لامەسەو نیەتێ !
وە جز ڕاسی , من هامـــــــە تەماێ
ئەیو هەر وە دڵ ئەنقەسەو نیەتێ !
کەس وە تەور مە , وە خــــڕێ نییـە
نیەزانم وە کوو , پابەســـەو نیەتێ !
تو بۊش ئێ دنیا بنێ ها وه کوو ؟!
بچم چۊ ئەوەێ , ناتەسەو نیەتێ !
( بێبەش)
