وەی دە وەری ئقلیمی
2020-12-13T16:36:57+00:00
شەفەق نیوز- گوترش، وانگ ئەڵهاورد ک دنیا، دە لا کەش‌وهەواوە دیرێ تووش وەی‌دە‌وەری گەنێ دیاێ.
ئانتونیوو گوترش، دەبیر گشت سازمان میللەلیش لە بێ‌ئەنیشتی دەوڵەتەیل دەنگێ دەرهاتە دەر و وت: ئەر هە وەیجوورە، وەێ رێیە ک گرتیمنەسە وەر بچیمن، وەرمان دبێگە بتاوی و دنیا تووش شەڕ و کارەسات گەنێ دیاێ، ئمجا وەرد ئی سەد ساڵە ک هایمن دەێ، دنیا سێ دەرەجە گەرمترەو دکەیمن.
دانیشتنەوەی سازمان میللەل ئەڕا کەش‌و‌هەوا، وە مەێزبانی فەرانسە و ئنگلیس و سازمان میللەل، ئوو بەشداری گشت کشوەرەیل گرووپ پاریس، وە شێواز ویدئو کونفراس نریا.
