نێچیرڤان بارزانی ئەرا باڵیۆز سویسری: رکداریمن لەبان وەرەونوابردن پەیوەندییەیل
شەفەق نیوز- هەولێر
نێچیرڤان بارزانی، سەرۆک هەرێم کوردستان، رووژ دووشەممە، ئەرا باڵیۆز نوو سویسری لە عراق، پیتەر نێڵسۆن، دووپات کرد لەبان رکداریی لەبان وەرەونوابردن پەیوەندییە دووانیەیل و هاوکاری هاوبەش.
نووسینگەی بارزانی لە بەیاننامەیگ رەسیە ئاژانس شەفەق نیوز، وت کە "بارزانی پیرووزبایی پیشکەش وە نێڵسۆن کرد وە بوونەی وەرگردن ئەرکەیل کاری کرد و ئومید سەرکەفتن ئەرای خوازێد، وە دووپاتکردن رکداری هەرێم کوردستان لەبان تونەوکردن پەیوەندییە دووانیەیل، و دەرخستن سوپاسگوزاریی ئەرا پاڵپشتی سویسرا ئەرا عراق و هەرێم کوردستان".
لەلای خوەیەو، باڵیۆز نوو سویسری خوەشحاڵی خوەی نشان دا ئەرا دەسکردن وە ئەرکەیل کاری لە عراق، و دووپات لە خوازین وڵاتەی لە وەنواچگن پەیوەندییەیلی وەرد عراق و هەرێم کوردستان و فراوانکردن ئاسووەیل هاوکاری هاوبەش لە ناوەین هەردگ لایەنەگە، وەپەی بەیاننامەگە.
بەیاننامەگە دیاری کرد کە دیدارەگە باس لە رەوشەیل عراق و هەرێم کوردستان کرد، وەگەرد باس لە دۊاترین پیشهات و پەرەسەنەیل لە ناوچەگە.
