مایکل کەین ئایکۆن سینەمای بەریتانی واز لە کار هونەری هاورد
2023-10-14T13:03:51+00:00
شەفەق نیوز/ ئەکتەر مایکل کەین، ئایکۆن سینەمای بەریتانی، لە تەمەن ٩٠ ساڵی وازهاوردنی لەکار هونەری راگەیان، و وە رۆڵ یەکیگ لە کارەکتەرەیل فیلم “The Great Escaper” کۆتایی وە میژوو ئەکتەری ٧٠ ساڵەی خوەی هاورد.
مایکل کەین بەشداری لە ١٦٠ فیلم کردیە، لەوانە فیلم “Sleuth”، “Interstellar” و “Batman”.
شەش پاڵیریای لە خەڵات ئۆسکار وەرگردیە، دووانی وەدەس هاورد، یەکەمیان ئەرا فیلم("Hannah and Her Sisters") لە دەرهێنان وودی ئالن لە ساڵ ١٩٨٦ و دویەمیان ئەرا فیلم “The Cider House Rules” لە ساڵ ٢٠٠٠.
کەین لە قسەی ئەرا ڕادیۆی بی بی سی ٤ وت: وەردەوام ئویشم خانەنشین بووم، خو ئیسە دی خانەنشین بویم.
وتیس "وەرد خوەمەو وتیام کە لەی دویاییە بەشداری لە فیلمیگ کردمە کە لەناوی رۆڵ سەرەکی دیمە، و نمایشەگەم جی دڵخوازی بویە، ئمجا چە بکەم، و ئایا توەنم لەیە خاستر بکەم؟".
