خانمە ئەکتەریگ جەهانی لە مرافەیگ کلگ شۊەگەی بڕیە
شەفەق نیوز/ کاریگ ناکاوی لە باوەت هەسارەی جەهانی جۆنی دیب وەگەرد ژن وەرینی خانمە ئەکتەر ئەمبەر هيرد بویە خەوەریگ سەرسامی.
باوەت جیاوەبوین ئەو دوو ئەکتەر ژن وشۊە دووارە هاتە بان، دویای ئەوەگ پزشکەگەی دیب زانیارەیلیگ ئەرا دادگا ئاشکرا کرد ک سەرسام دووسەیلی کرد.
ئەکتەر جەهانی ناودریار، لە قسەیلی لە دادگای ڤیرجینیا وت: هێرد لە یەکیگ لە مرافەیلیان کلگی بڕیە.
لە هۊردەکارەیل، مرافەگە لە ساڵ ٢٠١٥ لە ئوسترالیا بویە، هەنای بوتڵیگ شۊشە ئەرای وەشانیە، و کلگی بڕیە، تا نەوکەرەگە پارچەی کلگی پەیا کرد.
و دیاری کرد ک هێرد خان فرە توندوتیژی وەگەردی کردیە، و خوەییش لە ژیانی دەس لە ژنیگ نەوەشانیە.
لەلای خوەییش، پاسەوان ئەکتەرە جەهانیەگە وت: فرە لە زەخمەیل هەسارەی هۆلیۆد توومار کردیە، ک جاریگ پەنامیگ لە دەمچەوی بویە، و جاریگتریش کڕیگ لەبان لۊت و تیوڵی بویە، و وتیش " هێرد بوتڵ شۊشەی شکیاییگ ئەرا دیب وەشانیە و کلگی بڕیە.
وەلی هێرد وتیە ئەو قسە راس نیە، باوجی شۊەگەی پەلاماری داگە و ناومەڵەگە شکانیە و لەژیر کاریگەری هووشبەر بویە.
ئەو خانمە ئەکتەر ناودیارە توومەتبار شویەگەی کەێد ک لەیەک جیاوە بوینە، ک هەمیشە دەسدرۊژی لەبانی کردگە وە شەق و چەباڵە لەلی داگە و لەگیسی کڕانیەسەی بان زەوی و چنگ ناسە قوڕگی.
