براد بیت تویش بیماری دەگمەنیگ هاتیە
2022-07-07T06:24:13+00:00
شەفەق نیوز/ براد بیت هەسارەی هۆڵیوود جەهانی، ئاشکرای زیانی کرد، ک شیوەی مەردم لە هویری نیەمینێد.
براد بیت لە چەوپیکەفتنیگ وەگەرد رووژنامەی " GQ" وت: هیمان ئەو بیماریە وە شیوەیگ فەرمی دیاری نەکریایە، باوجی وە زوور تەقەلا دەێد شیوەی کەسیگ نوو لەناو کۆمەڵگا بکەفێدە هویری، تایبەت لەناو ئاهەنگ، و رخی لەوە چوود ک ئی بیمارییە زیایەو بوود، چوینکە جویر دابڕیای ودویر نشانی دەێد.
وتیش: کەسیش بڕوا وەپیم نیەکەێد، خوازم کەسیگ جویر خوەم پەیا بکەم تا مەردم بڕوا بکەن.
وەگورەی میدیایل راگەیانن، یە یەکەم جار نییە ک براد ئویشێد زیان لەوە دیرێد ک شیوەیل مەردم نیەناسێد، و وتیش: فرە لە مەردم خوەسەیان لەلیم تیەێد چوینکە لەلای خوەیانەو من رێز لەلیان نیەگرم.
