ڤان کووخ و مۆڕنێە لە ناوە یەکەمەگان لەلیست جەماوەری ئەرا ساڵ ٢٠٢٠
شەفەق نیوز/ سێ هونەرمەن فەڕەنسی شوون خوەیان گردن لە ناو لیست ئەو شیوەکارەیلە ک لە ساڵ ٢٠٢٠ خاوەن فەرەترین جەماوەرن، ئەوەیش لە پلە داناینیگ لەلایەن مۆزەخانەی (ج. پول گیتی) ئەمریکی.
لیستەگە پلەگان ئەرا هونەرمەندەگان دانا ک ماوەی ١٢ مانگ گوزەیشتە بوینەسە خاوەن فرەترین مینەکردن لەبان ماڵپەڕ مۆزەخانەگە.
لە یەکەم پلە ناو هونەرمەن هۆڵەندی ڤان کووخ هات، و لە پلەی دوویەم و سێیەم و پەنجەم ناو شیوەکارەیل فەرەنسا کڵۆد مۆنێه و ئیدوارد مانی و ئێدگار دیغاس هات.
لە پلەی چوارەم ناو شیوەکار هۆڵەندییگ تر هات ک خوەی رامبراندتە.
جەماوەر مۆزەخانە ئەمریکیەگە لەسای کۆڕۆنا ناچار بوین لەبان ئەنتەرنێت سەردان مۆزەخانەگە بکەن، ک ئەو هونەرمەنەیلە بوینە خاوەن فرەترین وەخت گوزرانکردن لەلایەن میوانەیل ماڵپەڕەگە.
و تابلۆی (ئیریس) خوەی فرەترین کارەگان بوی ک جەماوەر ماڵپەڕەگە نوڕرستیانە پی، ئەو تابلۆوە ک ڤان کووخ وەرجە ساڵیگ لە مردنی کیشادەی، و لە ساڵ ١٩٩٠ خریا ناو مۆزەخانەگە.
