پەیوەنی ناوەین کەم خەفتن و تویشهاتن وە شەکرە چەیگە؟

شەفەق نیوز/ هاتێ لەوەر بڕیگ کەس ناچاربوون وە هەر هووکاریگ لە هووکارەیل لە شەو کەمتر بخەفن و هچان وەربگرن و لە رووژ دویایی هەس وە شەکەتی بکەن، توێژینەوەیل نوو دەریخسنە ماوەی خەفتن لە شەو هاتێ تویشهاتن وە شەکرە لە کەسەیل کەم یا زیای بکەێد.

لە ساڵ 2021 توێژینەوەیگ ئەنجام دریاس کە دەریخەێد ئەو کەسەیلە لە شەو 7 تا 8  ساعەت خەفێد تەندروسترن وەچەو ئەو کەسەیلە 5 ساعەت یا کەمتر خەفن، و ٥٨ ٪ زیاتر رخداری تویشهاتن وە شەکرە هابانیان .

لە توێژینەوەگە هاتیە، گیچەڵ و دەرگیریەیل خەو هووکارە ئەرا بەرز و نزمبوین ئاست  "گرلین" کە هەس وە ورسگی و کێش لەش  بەرز کەێد، هەمیش بوودە مدوو رخداری تویشهاتن وە  شەکرە و کوو نیشانەیل  میتابۆلیکی.