ئیلام فەیلی.. وەرخستن مەوقەی کووچکردن هووزەیل دۊای مەزەنەیل وە وارانەیل فرەیگ

شەفەق نیوز - ئیلام 

دەسەڵاتەیل لە پارێزگای ئیلام فەیلی، لە خوەراوای ئیران، راگەیانن وە وەرخستن (زۊترکردن) مەوقەی کووچکردن هووزەیل ئەرا ئی ساڵە، لەوەر خوەیئامادەکردن ئەرا شەپۆل وارانەیل پایزیی فرەیگ، لە وەختیگ لافاوەیل و وارانەیل دۊایی بۊنە هووکار ویرانکردن نزیکەی 350 کیلۆمەتر لەو ریەیلە کە دیاری کریانە ئەرا هامشوو ئیڵەیل، لە ناوڕاس هەوەجە وە بودجەیگ گەورە ئەرا خاسەوکردنیان.

 راپۆرتیگ لە ئاژانس "میهر" ئیرانی، کە ئاژانس شەفەق نیوز ئەڵگەردانی کردگە، لە وەڕێوەبەر گشتی کاروبار هووزانە لە ئیلام، فەرشاد یاسمی، وت: هووزەیل ناوخۆیی ری وەپیان دریاگە دەس وە کووچکردن بکەن لە 20 ئابان (11ی تشرین دۊەم/ نۆڤەمبەر)ەو، وە مەرجیگ ئەو هووزەیلە کە تیەنە ناو لە رووژەیل دۊایی لە خود مانگ دەس وە کووچەیلیان بکەن، وە پشتبەسین وە مەزەنەیل کەشناسی و هوشدارییەیل لە وارین وارانەیل فرەیگ لە ماوەی وەرز پایز.

 یاسمی دیاری کرد کە مەوقەی کووچکردن ئاسایی ساڵانە لە 15ی ئازەر (6 کانوون یەکەم/ دیسەمبەر) دەس وەپی کەێد، وەلێ وارانەیل پایزی و خاسەوبۊن پووشەر رووەکی و گەشەسەنین لەوەڕگایەیل تەکانیگ دانە وەرخستن وادەگە ئەرا ئی ساڵە.

 یاسمی وتیش دا کە لافاوەیل و وارانەیل فرەیل زیان رەساننەسە نزیکەی 350 کیلۆمەتر لە ریەیل ئیڵەیل لە پارێزگاگە، وە فتراق وەرەو ئەوە کە وازکردن و دووارە خاسەوکردنیان هەوەجە وە تەرخانکردن 50 ملیار ریاڵ دیرێد.

 ئومید خوەی نشان دا لە دابینکردن بودجەی هەوەجەدار ئەرا جیوەجیکردن کارەیل خاسەوکردن لە زۊترین وەخت.

 لە چوارچیوەیگ پەیوەندیدار، وەرپرسەگە راگەیان وە فەوتیان 80 سەر لە بزن کە هن ئاژەڵدارەیل هووزەگە بۊن، وە مدوو ئەور و تریشقەیل وە مەزەنەکردن ئەو زیانەیلە کە لە رۊداوەگە کەفتنە وە نزیکەی 8 ملیار ریاڵ.

 یاسمی دووپات کرد کە فەرمانگەی کاروبار رووژانە وەردەوام بوود لە پیشکەشکردن خزمەتگوزارییەیل ئەرا کۆمەڵگەی ئیڵەیل وە هەماهەنگی وەرد دامەزراوەیل و لایەنە پەیوەندیدارەیل، ئەرا چارەسەرکردن ئەو زیان و گرفتەیلە کە لە لافاوەیل و وارانەیلەو کەفتنە و خێراکردن لە دووارە خاسەوکردن ژیرخانە زیانلیکەفتگەیل.