وێنە.. مەکسیگ رووژ (مردن) زنی کەێد
شەفەق نیوز/ مەکسیکۆ ستی پایتەخت، هاتن فریگ لەلایەن گەشتیارەیل پیگانە و هاووڵاتییەیلە ئەرا ئاهەنگ (رووژ مردگەیل) وەخوەی دی.
مەردم ناو ئاهەنگەگە ئاهەنگ (چەمەری) ئەرا سلوسوخان و تەرمەیلیگ وە شوکۆڵا و میوە و گوڵ لە میدان سەرەکی قەرەباڵغ زوکالۆ لە مەکسیکۆ ستی کردن، ک لەنزیک کەلاوەی ناودارترین پەرستگایل ئیمبراتۆریەت ئەزتەک ئەنجام دان.
ئی ئاهەنگە لە تیکڵاییگ لەناوبەین رسوومەیل ئئاینیو باوەڕەیە کۆنەیگ تیەێد، ک گوایە مردگەیلە یەک جار لەو جیهانەگە ئەرا ئی جیهانە گلەو خوەن.
میگیل توریس، گەشتیاریگ کۆڵومپیە، ئۊشێد: لە گشت کەلتوورەیلە رخیگ لە مردن لەلای مەردم هەس، ئەراوە لەیرا ئی ئاهەنگە کەن، وتیش؛ گرنگە ک کەلتوورەیل نوویگ بناسێ، و بنووڕێ ک مردن قۆناغ نوویگە بایەتە رووژیگ لە رووژەیل وەپی بڕەسێ.
لەلای خوەییش گەشتیاریگ ئەمریکی لە ویلایەت کولورادۆ وەناو دایان میلیندیز وت: دیارە ک تەرمەیلە رەسنە بنچینەی واتەی مردن، و دیاری کرد ک ئەرا من یە چشتیگە ک هەستەلیە جۊیلنێد، و مەزەنە کەم ک دیریمن کەلتوور خەڵک رەسن ئی ناوچە زنیەو کەیمن، ئەراوە ئی چشتە رخم نێوەێد.
تەرمەیلە ک وە نان کەلتووری مەکسیکی ڕازی ئاسەواری و هەمیش مۆز و پرتەقاڵ و زڕات، و وئنەی ئەو پیرەیلە لەناویان هەس ک مردنە.
