وینەگریگ جەهانی فیلمیگ لەبان هەرێم کوردستان دروس کەێد

شەفەق نیوز/ وینەگریگ فۆتۆگرافی جەهانی فیلمیگ دیكیۆمینتاری لەبان هەرێم كوردستان بەرهەم کەێد، ک لە ساڵ لە ساڵ 1991  سەردان هەرێم كوردستان کردیە، و فیلمیگ وەناونشان "كوردستان مۆن ئامور" دەرکردیە. 

لەئێم دۆك هیین لە داڵگ و باوگیگ ڤێتنامیە و ئیسە پەنابەریگ فەرنساس، وینەگریگ ناودیار جەهانیە، گەردیەسە  بڕیگ لە وڵاتەیل جەهان،  و لەناو بەشیگیان تۊش کرژی و بیزاری بۊە، بەشیگ لە میدیایلە ناو ئەو وینەگرە  جۊر پەیامنێر بی سنوور ناساننە، لەئێم دۆك هیین لە ساڵ 1991 سەردان هەرێم كوردستان عراق کردگە،و فیلمیگ وەناونشان "كوردستان مۆن ئامور" دەرکردگە، ک باس لە بەشیگ لەو گەردینە کەێد. 

ماڵپەڕ france3-regions راپۆرتیگ ۆەبان ئەو فۆتۆگرافە بڵاو کردیە س نۊساگە: "لەئێم دۆك هیین ئەرا یەكەمین جار لە ساڵ 1991 رەسیەسە کۊەیل ناوبەین هەرێم كوردستان و توركیا، دوك هیێن لەو مەوقە وێنەی یەكەم پەنابەر كوردی گرت و ئەو وێنەیش لە زنجیرەی ئەو وینەیلە ک لە فیلمەگە وەکاری هاوریاگە". 

هەر لە راپۆرتەگەیش  ئۊشێد: لە ساڵ 1990 لەئێم دۆك هیین دەسکەێدە گەردین دۊر و درۊژیگ، لە ناوچەی ئیكویلیبر تا چەن شۊنیگ لە جەهان، لە ڕۆمانیاوە تا ڕواندا، لە ڕووسیاوە تا باشوور سودان و ئیجا ئەرا هەرێم كوردستان. 

لە ماڵپەرەگە باس کریاگە ک لەئێم دوك هیین وەرجەیە نەهامەتی وەخوەی دیە، هەنای نووڕستیەسە سیمای بەشیگ لە نەهامەتییەیل كوردستان،  یادەیل خوەی کەفتیەسە هۊری.