کوڵە چیرووک "بالویل"
نەداریگ لەناو بازاڕ رێ کریاد چەوی کەفتە دوکان چەن گلە قەزانیگ نابویە بان ئاگر لەپسا خواردن فروشت نەدارەگە نوڕیە هەڵم قەزانەگە خوەشی لێهات وەو نانە لەدەسی بوی کوت کوتی کردیاد و گردە بان هەڵم قەزانەگە و ئەخواردێ.
هەنای تواسد بچوود خاوەن دوکانەگە وت:
تو وەلیفەت لە هەڵم قەزانەگەی من وەرگردیدە بایەتیپویل بدەێد وەپیم، مەردمەگەش وە دەورەیان کوومەوبوین پیاو نەدارەگە کە سەرگەردان حال خوەی بوی چەوی کەفتە بالویل دانا کە وەپسا لەورا ریکرد، داوا لە بالویل کرد دەسمیەتی بیەێد.
بالویل وە خاوەن دوکانەگە وت:
ئایا ئی پیاوە لە خوەراک تو خونردیە؟ ئاشپەزەگە وت: نە ئەمانگ لە بویەگەی کەڵک وەرگردیە، بالویل چەن گلە سکەی نوقرە لە گیرفانی دراورد و نیشان ئاشپەزەگەی دا و خستیانە زەوی ئمجا وت: ئەی ئاشپەز دەنگ پویلەگە بووە.
ئاشپەز وە ئەڵاجیویگ وت: یە چ جویرە پویل داینیگە؟
بالویل وت: هاوشیوەی دادپەروەریە هەر کەسیگ بوون خوەراک بفروشێ لەجیای بایەس دەنگ پویل بوەێ.
ن.ش
