کوڵە چیرووک

بڕیگ وەپەسا لە ناو ئشکەفت تیەریکێ رێ کردیان کە هەست وە سانەیل هۊردەهۊردە لە ژێر پایان کردیان.

گەوراگەیان وەت : یانە سان حسرەتن. هەرکەس لە لیان هێز بیەی حسرەت خوەی، هەرکەسیش هێز نیەی هەم حسرەت خوەی.

بڕیگ وەتن ئێرنگە لێواسە ئیمە ئەڕا بارمان قورسا بکەیم؟

بڕیگیش وەتن زەرەدێ چەس تیکڵەی لە لیان ئەڕا دەساوێز بەیمە گەردا.

وەختێ لە ئشکەفتە هاتنە دەیشت زانستن کە ئشکەفتەگە پڕ بییە لە سانەیل قیمەتدار، ئەوانەیگ هێز نیاۊن حسرەت خواردن و ئەو دۊایان حسرەت خواردن کە ئەڕا فرەتر هێز نیانە.

ژیاینیش هەم لێواسە، ئەگەر وە گڕو ئان ئستفادە نکەیم حسرەت خوەیم و ئەگەریش ئستفادە بکەیم هەمیش حسرەت خوەیم کە ئەڕا کەم ئستفادە کردیم، سە تەقەلا یا کووشان بکەیم کە هەرچێ فرەتر لە ئی گڕو ئان ژیاینمانە ئستفادە بکەیم.

.ن.ش

هەڵگەردان سادق جەلیلیان