ژنيگ داوای دراوردن تەرم (بیلێه) لەناو قەورەگەی کەێد
وەگورەی رووژنامەی دەیلی مەیل، ماریا دو سوکوو ئەزڤیدۆ، تەمەن ٦٠ ساڵە، یە پەنج ساڵە لە دادگا داوا توومار کردیە کە ئەوە بچەسپنێد کە خوەی دویەت بیلێه بویە.
بیلێه، کە لە ٢٩ی دیسەمبەر ٢٠٢٢ لە تەمەن ٨٢ ساڵە گیانی لەدەسدا لەناو تەمەیی وتیە هاتێ مناڵیگ ترەک دیرم.
بیلێه سێ گلە ژن خوازبا و وەفەرمی و ئاشکرا هەفت مناڵ دیرێد.
دووان لە کوڕەیل بیلێه، هەر لە ئیدینۆ ناسیمتو و فلافیا کریستینا، رازی بوی تاقی دی ئێن ئێن ئەرا باوگیان بکەن.
راپۆرتەیل لە بەرازیل وتن ئەنجامەیل تاقیکردنە سەرتاسییەگە نەرێنی بویە، وەلێ تاقیکردن دی ئێن ئێن نیشان داوە کە هاتێ ئەو ژنە پەیوەندی خوەیان وەرد بیلێه دیرێد.
پارێزەر ژنەگە وت: هویچ چارەیگ نەریمان مەگەر داوای دراوردن تەرم بیلێه بکەن تا بڕەسنە چارەسەرییگ.
ماریا دو سوکوو ئەزڤیدۆ لە بەرنامەیگ تەلەڤیزیۆنی بەڕازیلی وت: من دویەت بیلێه م و هویچ پاپەی پویلەگەی نییم.
وتیش: داڵگی کە ئیسە مردگە، قەت وە ببلێه نەوت کە دووگیانە، دویای ئەوە کە لە ساو لویس لە ویلایەت مارانهاو پەیوەندی وەرد داڵگی داشتیە.
میراتی بیارە وە نزیکەی ٧٨ ملیۆن جنێه ئەستەرلینی مەزەنە کریا.
دەیلی ستار وت: ئەگەر ماریا دو سوکوو ئەزڤیدۆ جویر دویەت هەشتەم ببلێه دریا قەڵەم خو توەنێد داوای بەش خوەی لە میراتیەگە بکەێد.
بیلێه تەنیا تووپانبازیگە کە سێ گلە جام جەهانی برد.
