ژنیگ سزای لەسێدارەدان دریاگە لەناو زیندان شوی کەێد

شەفەق نیوز/ کاریگ ئەڵاجەوی  لە زیندان چاکسازى گەورەیل سلێمانى، ژنیگ ک سزای لەسێدارەدان دیرێد، هاوسەرگیری وەگەرد پیاویگ زیندانیگتر  کەێد، ک ئەویش وەوجویرە  سزای لە سێدارەدان ئەرای دەرچگە. 

ئی ژن و پیاوە تەمەنیان نزیک ٤٠ ساڵە و هەردوگیان وەتاوان کوشتن  ئەنقەست زیندان کریانە، و سزای لەسێدارەدان لەبانیان دەرچگە، باوجی لە بان سۆشیال میدیا  سەرەتا وینەی یەکتر دوینن و ئیجا رویوەڕوی دانیشن و بڕیار هاوسەرگیری دەن. 

ئیرنگە ئی دوو هاوسەرە هەفتەی جاریگ لە شوینیگ تایبەت لە خەڵوەت زیندانەگە ئەرا چەن ساعەتیگ یەکتر دوین، ئیجا هەریەکەیان بریەێدە بەش تایبەت خوەی لە ناو زیندان.