ئەسارەی توپان لیۆنێل مێسی بەشداری لە فلیم و دراما کەێد
2024-04-18T12:32:30+00:00
شەفەق نیوز/ ئەسارەی وەناوبانگ توپان لیۆننێل مێسی، ها ل قۆناغ سەرەتای بوینە ئەکتەر و چگن وە ناو دونیای سینەما و دراما، مێسی ئیرنگە بەشداری لە زنجیرە درامایگ تەلەفزیونی لەئەرجەنتین کردیە.
وەپای خەوەریگ لە ماڵپەڕی "موڤی ئایکۆن" ، ئەسارە ئەرجەنتینییەگە لە وەرز دویەم زنجیرە درامای 'Los Protectores' دەرکەفێد، کە درامای وەرزشیگە .
ئاندرێس پارا ئەکتەری وەناوبانگ کۆڵۆمبی کە هاوشان لیۆ رۆڵ دوینێد، لە لێدوانیگ راگەیاندیە، "ئەلاجویمان هات هەنای مێسی وەیجویرە دەرکەفت، وئفرە خاس نواندن کەێد، هەرگیز هەڵە نەکردیە".
