زياتر لە ١٠ ساڵە ئیوەتی کەێد.. سەگیگ لە لوبنان پەلامار خاوەنی دەێد
هاوسایل ئەو گەنجە دەنگ هاواری رەسیە گووشیان، و هاتنە ماڵەگەی تا بنووڕن سەگیگ وەناکاوەو پەلامار خاوەنی دەێد و شوینەیلیگ لە لەشی گەزێد.
هاوسایل وتن؛ زەخمەیل گەزین سەگەگە نەیشتەی بتوەنێد دەر ماڵەگە واز بکەێد، و تەنیا هاوار کرد، و هەر خوین لەلی رشیاد تا لەهووش خوەی چگ.
هاوسایل تەلەفۆن شارەوانی کردن تا چشتیگ بارن وەپی لە پەنجەرگەو بچنە ناو ماڵەکە و ئەو گەنجە لە قەپ سەگەگە قورتار بکەن.
کەسەیلیگ لە ئاسایش رەسینە شوینەگە، و ئەفسەرەگە رازی نەوی دەر ماڵەگە هەڵگەنێد و تەقە لە سەگەگە بکەێد، تا مووڵەت فەرمی نەوەێد.
وتنیش: یەک ساعەت چەوەڕی سڵای فەرمی کریا، تا سڵا رەسیە دەس ئاسایش ئیجا دەر ماڵەگە هەڵگەنین و تەقە لە سەگەگە کریا.
ئەو گەنجە یە زیاتر لە دە ساڵە سەگەگە وەخاوەن کردیە، و ئیسە لەناو خەسەخانەیگ لە بەیروت خەفتیە، و زەخمەیلی سەختە، ک لە دویاترین هەتاس قورتار کریا.
