چیرووک خەوەریگ دەنگەدەنگ گەورەیگ خستیەسە ناو میدیایل راگەیانن ئەمریکا
دویای ١٢ مانگ، دویای رێککەفتنیگ مەرەقەز کریا، کە ئەو مەوقە دوورگەیگ لە کاریبی سەنوێد، و کارەیلیگ گومانی لەناوی کردیاد، و کەسە دەسچگەیل سەردان ئەو دوورگە کردیان کە قسەی فرەیگ لەبانی بوی.
لە ساڵ ٢٠١٩، گلەیگترەک دەسگیر کریا لەبان خود توومەت هەمیش وەرد دویەتەیل ناخاڵە، باوجی ئیجارە ئەبستین لەناو زیندان خوەی کوشت، کە هیشت ئی باسە باێدە بان و بوودە باوەت میدیایل راگەیانن، و باس کریا کە خوەی نەکوشتیە وەلێ ژەهرخوەر کریاس تا کەسیگ نەزانێد چە بویە.
ئەو قەسەیلە وە رسوایی پیتزا (Pizza Gate) ناوی نریا، کە دەرکەفت بەشیگ لەلی راسە، کە ئویشێد، ئەو دوورگە کە ئەبستین سەنیەسەی شوین گردەوبوین گەورە سیاسەتمەدارەیل سەرمایەدارەیل لە ئەمریکا و بەریتانیا بویە، کە کارەیل بەد و بی رەوشتی لەناوی کردنە، و کەسەیل فرەیگ ناویان کەفتە ناوەیل.
ئەبستین وە دەسمیەتی ژنیگ بەریتانی وەناو گیسلین ماکسۆییل کە چالاکوان ژینگەیی کۆمەڵایەتیە، ئەویش دەسگیر کریا، و ئیرنگە وە بڕیار ٢٠ ساڵ ها ناو زیندان.
ئویشن پۆتین سەرۆک رووسیا لە ساڵ ٢٠١٦ دەسی لەناو ئاشکرابوین ئی رسواییە بویە، تا دەسمیەتی تڕەمپ بەێد تا لە هەڵوژاردن بوەێدەو، ئەوەیش وە پەلاماریگ سیبرانی لەبان ئیمێڵەیل هیلاری کیلنتۆن کە نزیک بوی بوەێدەو، وەلێ لەبان ئی رسواییە شکست هاورد، کە لەناو ئیمێڵەیل هیلاری پەیامەیلیگ بوی باس دوکانیگ پیتزا وەناو Comet کەن، کە بویەسە شوین گردەوبوین بازرگانیکردن وە ئایەم و سێکس ناخاڵە.
ئایا چە هیشت دووارە ئی باسە باێدە بان؟
چوینکە ناو ئەو کەسەیلە بڵاو کردن کە پەیوەندی وەرد ئەبستین داشتنە، و ناوەیل فرەیگ بڵاو بوین، جویر: هیلاری کیلنتۆن، مایکڵ جاکسۆن، دۆناڵد تڕەمپ، باراک ئۆباما، ئاتدرۆ شازادەی بەریتانیا، بیل کلینتۆن، دەیڤید کوبرفیڵد ساحر، جۆرج لۆکاس دەرهێنەر سینمایی، زانای فیزیا ستیڤن هۆکینگ، ئیهود باراک سەرۆک وەرین ئیسرائیل، ئەکتەر کیڤن سبایسی، جیگر وەرین ئەمریکا ئال گور، ئەکتەر لیوناردۆ دی کابریۆ، خانمە ئەكتەر کامیرۆن دیاۆ، خانمە ئەكتەر کیت بلانشیت، خانمە پیشکەشکار ئۆپرا وینڤری، خانمە گورانیچڕ مادۆنا، خانمە ئەسارەی کۆمەڵگا پاریس هیلتۆن، دەرهێنەر ستیڤن سبیلبیرگ، ئەکتەر تۆم هانکس.
ئەوە بەشیگ لەو ناوەیلە بوی کە سەرچەوەیگ رووژنامەوانی باسیان کردیە، و مەرج نییە ئی ناوەیلە تاوانکار بوون باوجی ناویان هاوریاس.
