دویای ٣٢ ساڵ... خیزانیگ چینی مناڵ رفیاگ خوەیان دویننەو

شەفەق نیوز/ خیزانیگ چینی مناڵە رفیاگەیان دینەو، ودووارە خیزانەگە گردەو بوی، بەڵکم دویای ٣٢ ساڵ، (ماوین) لە وەختیگ وەل باوگی لە باغچه‌ی ساوا هاتنەو، لە ساڵ ١٩٨٨ تەمەنی لە دوو ساڵ ونیم زیاتر نەوی .
دویای رفاننی لە وەردەم دەر هوتێلیگ لە شار ( شیان)، لین جینگ داڵگی واز لە کار فەرمانبەری خوەی هاورد، ودەس کردە هەڵمەت مینەکردنی، تا دەیان ساڵ، وەگورەی سکای نیوز.
داڵگەگە زیاتر لە ١٠ هەزار لاپەڕە بەشەوکرد، ولە بڕیگ بەرنامەی تەلەفیزیۆنی دەرچگ، وچیە ناو کۆمەڵگەیگ لە خۆبەخشەیل ئەرا مینەی مناڵە بیسه‌روشوینەگان، وهەواڵگیری دیادە پۆلیس.
لە ئەنجام کارەیل داڵگەگە ٢٩ مناڵ رفیاگ دینەو، وچینەو ئەرا ناو خیزانەیلیان، وەلی مناڵەگەی خوەی نەیەو، تا دویای ٣٢ ساڵ، وەختا پۆلیس شیان هەواڵگێری وەرگرد، ک پیاویگ لە سیچوان مناڵیگ ئیوەت کردیە خەڵک شیانە، وەرجە سی ساڵ، ودویای زنجیرەیه‌گ لێکۆڵینەوە، دی ئین ئەی رفیایەگە گونجیا وەل کەیسەگەو، وکوتپڕ دەسڵات هاوردەی ئەرا خیزانەگەی.