نێچیروان بارزانی ئەرا راوێژکار سەربازی بەریتانیا: بایەت هەماهەنگی هاوبەش ئەرا رویوەڕویبوین هەرەشەیل تیرۆر وەردەوام بوود
شەفەق نیوز ـ هەولێر
سەرۆک هەرێم کوردستان، نێچیروان بارزانی، ئمڕوو پەنجشەممە، دووپاتکرد لەبان هەوەجە کەێد هەماهەنگی هاوبەش وەرد بەریتانیا وەردەوام بوود ئەرا رویوەرویبوین شانە تیرۆرستیەیل و هەرەشەیل تیرۆر.
یەیش لە وەخت پیشوازیکردن جیگیر ئەدمیرالی ئێدوارد ئالگرین، سڵاکار سەربازی باڵای بەریتانیا ئەرا ناوچەی خوەرهەڵات ناوڕاس و باکوور ئەفریقا، شاندەگەی یاوەریکە پێکهاتبوی شمارەیگ وەرپرس و سڵاکارەیل سەربازی، و قۆنسۆل گشتی بەریتانیا لە هەرێم کوردستان.
وەپای بەیاننامەیگ رەسیە ئاژانس شەفەق نیوز، هەردووگ لا گفتوگو لەبان هاوکاری ئەمنی و وەرگیری بەریتانیا وەرد عراق و هەرێم کوردستان کردن، سنووردارکردن چەک وە دەس حکومەت فیدڕاڵی عراق، و گامەیل یەکڕزی هێزەیل پێشمەرگە، وەرد دویا ئاڵشتکاریەیل ئەمنی ناوچەگە.
بارزانی دەسخوەشی کرد لە پاڵپشتی وەردەوام بەریتانیا ئەرا مژار راهێنان و سلای سەربازی و ئەمنی عراق و هەرێم کوردستان، دووپاتکرد لە گرنگی وەردەوامی هەماهەنگی هاوبەش ئەرا رویوەرویبوین شانەیل داعش و هەرەشەیل تیرۆر.
لای خوەیشەو جێگیر ئەدمیرال ئالگرین دووپاتکرد وڵاتەگەی
وڵاتەگەی گرنگی فرەیگ وە پەیوەندیەیلی وەرد عراق و هەرێم و ئاسایش و سەقامگیریان دەێد، دووپاتیشکرد لەبان ئامادەکاری بەریتانیا ئەرا وەردەوامبوین پاڵپشتی و ئەوزەڵداین وە هاوبەشی ئەمنی و سەربازی وەشیوەی گەپیگ وەرد عراق و هەرێم.
هەمیش پەیوەنیەیل ناوەین هەولێر و بەغدا، دویا ئاڵشتکاریەیل خوەرهەڵات ناوراس و گرنگی چارەسەر ئاشتیانەی گیچەڵەیل تەوەر ترەک لە گفتوگویەیل راستەوخوەی کۆبوونەوەگە بوین، وەپای بەیاننامەگە.
