دویای چەن ساڵیگ ئاشکەرا بوود ئیمام مزگەفتیگ یەهودی بویە
2023-09-05T10:33:22+00:00
شەفەق نیوز/ وەپای بەڵگەنامەیگ ئیسرائیلی کە مێژووەگەی ئەرا 61 ساڵ وەرجە ئیسە چوود ئاشکەرایکردیە پیاویگ یەهودی چەن ساڵیگ بانگبێژ و پیشنماز مزگەفت گەپ نجامینا پایتەخت چاد بویە.
ئەو بەڵگەنامە وەی دویاییە لە ئەرشیف دەوڵەت ئیسرائیل بڵاوکریایە، جۆرج حەمدانی جویلەکەیگ ئیرانی بویە لەدویای ئەوەگ رەسێدە نجامینا دوینیێد مزگەفت گەوەرەی شارەگە بانگبێژ و پیشنماز نەیاشتیە.
ئێ کابرا تا ساڵ 1943 وەردەوام بویە، باوجی لەناوکاو هامشوو ئەرا مزگەفت بڕیەێد و ئەرا مەردم دەرکەفێد بانگبێژەگەیان یەهودیە نەک موسڵمان، وەپای بەڵگەناماگە مەسەلەگە هەرای گەپیگ دروسکردیە باوجی لەوەر ئەوەگ پیاویگ دەوڵەمەن بویە و دەسەڵات داشتیە هەر لە چاد مەنییە و دویای ماوەیگ باوەتەگەیش لە هویرەو بریایە.
