خیزانیگ بەریتانی تەرم کەسیگ بیگانە لەجیای کەس خوەیان سزنێد
وەرپرسەیل تەندروسی وتن: (هەڵەیگ مرۆیی) لە خەسەخانەی زانکۆی گرانج لە کومبران لە باشوور وێلز بوی، کە خیزانیگ خەفەتبار کرد.
دویای رسوومەیل پرسە لە ئاگرخانەی دووڵ سیرهوی، ئەنجومەن تەندروسی لە زانکۆی ئەنورین بیفات ئی تیکڵابوینە ئاشکرا کرد، و ناچار بوی ئاگادار خیزانەگە بکەێد، کە تەرم کەسیگ ترەک سزاننە، تا خیزانەگە ناچار بوی پرسەیگ ترەک ئەرا کەس خوەی بنەێد.
وەگورەی ئەنجومەن تەندروسی، ئەو کەسە کە تەرمەگەی سزیا کەسوکار خیزانەگە نەوی، و هەڵەی کەسیگ نەوی.
دویای ئەوە، نیکۆلاس بریگودزیچ خانمە سەرۆک خەسەخانەگە چەوی کەفتە خیزانەگە، و وت: ئیمە خوەسەداریمن ئەرا ئەو کار کە وەسەر خیزانەگە هات، و وەرپرسایەتی لەی رویداوە هەڵگریمن.
وتیش: هویچ واژەیگ نییە کە بویشیمن، یا کاریگ کە بکەیمن، تا ئی کارە خاسەو بکەیمن، ئیمە فرە پەشیمانیمن، و هاوخەم ئی خیزانە وسیەیمن.
وتیش: خوازیمن دڵنیای مەردم بکەیمن کە ئی کار جیاوازە، و هەڵەگە وە ئۆپراسیۆن تایبەت دیاری کردیمن، و ئی کارە هەڵەی مرۆییە.
