خەڵاتیان کابرایگ وە سنین گوڵدانیگ وە نزیکەی ٨ مەلیۆن یۆڕۆ
شەفەق نیوز/ گوڵدانیگ ئاسایی نرخەگەی لە دوو هەزار یۆڕۆ زیاتر نییە، فرووشیا کابرایگ وە نزیکەی ٨ مەلیۆن یۆڕۆ، دویای ئەوە ک بڕیگ بسین بڕوا داشتنە ک ئەو گوڵدانە پارچەیگ ئەنتیکەی چینیە، تەمەنی چوودەو ئەرا سەدەی هەژدە.
وەگورەی رووژنامەی گاردیان بەریتانی، ئەو گوڵدانە لە فەرەنسا خریاسە فرووشتن، و نزیکەی ٤٠ کەس چینی تواستنە بسیننەی، تا یەکیگیان وە نزیکەی ٤ هەزار قات نرخەگەی سەنەی.
وەگەرد باج بفرووشەگە، نرخەگەی رەسیە ٩،١ مەلیۆن یۆڕۆ.
ژنیگ ئەو گوڵدانە ک وە خەزەف دروس کریایە، لە میراتی داڵگی ئەرای مەنیەسەو، ک داڵگی هەمیش لە داڵگی ئەرای مەنیەسەو، تا هاوریا پاریس و لەورا فرووشیا.
جان پیێر ئوسینات، یەکیگ لە کارمەنەیل ئەو ماڵ بانگەشەی فرووشتنە وت: ئەو فرووشتنە کاریگ شیتانە بوی، ک ئەو گوڵدانە تەمەنی ئەرا سەدەی هەژدە نیەچوود، باوجی ئەو مەردمە لەناو بانگەشەی فرووشتن ئاشکراگە وەیجویرە مەزەنە کردن.
ئەو گوڵدان کەو وچەرمگە، ک وەمینا نەخش تنین و ئەور لەلی کریاگە، وە قسەی پسپۆرەیل فرە فرە ئاساییە.
لەوەخت بڵاوکردن وینەی ئەو گوڵدانە، مەردم فرەیگ لە چینیەیل بازاڕ گەرمیگ ئەرای پەیا کردن.
