جۊر نوویگ لە دەیناسۆر  پەیاکریایە

شەفەق نیوز/ زانایەیل چیلی جۊریگ دەیناسۆر پەیاکردنە ک وەرجە ئیسە لەی جۊرە ئاشکرا نەۊیە و وەگورەی تۊژینەوەگان زیاتر لە 71 ئەرا 74.9 ملیۆن ساڵ لەو ناوچە زنەیی کردیە.    

زانایلە بوار شۊنەوارناسەیل  دۊیای ئەنجام لێکۆلینەوەگە ئیسە پەیکەر دەیناسۆریگ وەلایەن زانایەیل وە جۊریگ ستینگۆرۆس ئیلینگانس دیاریکردنە، دۊیای ئەوەگ ماوەی سێ ساڵ گوزەشتە سوخان پەیکەرەگەی وە نیمە تەواوی لەناوچەی باتاگۆنیا لەباشوور وڵات پەیاکریا.    

ئەلیکساندەر فارگاس زانای  تۊژینەوە لە ئاسەوارەیلە لەباوەت پەیاکردنەگە وت: “ئەو سوخان پەیکەرە سەرساممان کرد  وەڕاسی ئەرائیمە فرە گرنگە لەرۊی زانستی، ئێ جۊرە وە هەفت جۊر پووس لەشی پووشیایە، یەش یەکیگە لە هەرە بەشە جیاکەرەیل لە جۊرەیلتر”.    

زانایەیل چیلی نزیکەی 80% سوخان لەش دەیناسۆریگ پەیاردن ک وەگورەی هەڵسەنگاندن و تۊژینەوەگانیان نزیکەی 71 ئەرا 74.9 ملیۆن ساڵ وەرجە ئیسە لەو  ناوچە زنەیی کردنە، درۊژی  دوو مەترە و کێشەگەی 150 کیلۆگرامە.