توێژینەوەیگ چەودیاری "پیربوین" کەێد کە لە ناو تەمەن ٤٠ تا ٦٠ ساڵی وەشیوەیگ زویتر دیار دەێد
وەقسەی زانایەیل، یەش مدوو زیایبوین وەرچەو ریژەی تویشبوین وە فرەیگ لە بیماریە پەیوەندیدارەیل تەمەن ئاشکرا کەێد.
پرۆفیسۆر مایکل سنایدەر وت: ئەرامان دەرکەفت کە کار لەش ەە ئاسانی وەرد تەمەن ئاڵشت نیەوود، بەڵکم جاروبار ئاڵشتکارییگ تیژ لە کار خانەیل لەش بوود، ئەرا نموونە ئی ئاڵشتکاریەیل تیژە لە نیشانە گرنگەیل پیری تیەن لە ناوڕاس چلەیل ژیان ئاڵشتکاریەیل ترەک لە سەرەتای شەسەیل تیەن "وەگشتی یە ئەرا پێوەرە گرنگە جیاوازەیل ئاساییە."
توێژەرەیل رەسینە ئی ئەنجامە بە وەدویاچگن ئەرا ژیان نزیکەی 100 خوەیبەخش تەمەن 25-75 ساڵ توێژەرەیل لە ماوەی چەن ساڵیگ نمونەی خوین و شلە بایۆلۆژییەیل ترەک وەرگردنە، لەو ماوە نشانەیل بایۆمارکەرە سەرەکییەیل پیری خانەیل پەیمانە کردنە و کەفتنەسە فتراق ئاڵشتبوینی وەگەرد تەمەن.
لە چەودیاریکردن ئاڵشتبویەیل ئی نیشاندەرەیلە ئەرا توێژەرەیل ئاشکرا بەی کە خەسی لەس ٨١یان هویردە هویردە ئاڵشت نەویە، بەڵک لەناکاو، ئەرا فرەی خوەیبەخشەیل، دەرکەفتگە کە ئاڵشتکاری لە ریژەی ئی ماددەیلە لە لەشیان لەناکاو تیەێد، ئاڵشتبوین یەکەم لە تەمەن ٤٤ ساڵی بوی و ئاڵشتبوین دویەمیش لە تەمەن ٦٠ ساڵی، ئاڵشتکاری یەکەم وە قسەی زانەیل پەیوەندی ەە پرۆسەی میتابۆلیزمەو دیرێد، دویەمیش گریەبەسە وە سیستەم وەرگری لەش و گورچیلە و دڵەو.
ئەرا توێژەرەیل ئاشکرا بویە کە ئی ئاڵشتکاریەیلە کاریگەری لەبان ژن و پیاو دیرێد، و مدوو فرەیگ لە بیمیارەیل پیری، لەوانەیش بیماری لەهویرچگن و بیماریەیل دڵ.
