پیاویگ لەوەر هوکار ئەڵاجەۊییگ ١٤ ساڵە لەناو فرۆکەخانە ژیەێد

شەفەق نیوز/ پیاویگ چینی ١٤ ساڵ لە فرۆکەخانەی ناودەوڵەتی پەکین ژیەێد، ئەرا ئەوەگ وە ئەرزەت خوەی جگارە بکیشێد و گەوشی لە خوتەبۆڵەی  خیزانەگەی نەود. 

وەگوورەی ماڵپەڕ " دەیلی مەیل بەریتانی" پیاویگ وە خوازین خوەی زیاتر لە ١٤ ساڵە لە فرۆکەخانەیگ ژیەێد، لەو مەوقەو ک لە سەرەتای تەمەن ٤٠ ساڵی پیشەگەی لەدەسدایە، لەوەر ئەوە تۊش خەمۆکی فرەیگ بۊیە دەسکردیە وە مەی نووشین و جگارە کیشان و خیزانەگەی رازی نەۊیە ئاگاداری کردیە ئەگەر خوازێد وەگەردیان بژیەێد بایەت واز بارێد.  

لە چەوەپیکەفتنیگ وەگەرد رووژنامەی  " چاینا تودەی" ئی پیاوە ئاشکەرایکرد " نیەتۊنم گلەوبخووەم ئەرا ماڵ چۊنکە هۊچ ئازادییگ نەیرم، مانگانە ١٥٧ دۆلار حکومەت وەرگردمە و دامە وە خیزانەگەم هۊچ پۊلیگ ئەرا خوەم نەمەندیە".