گۆڕان ئاگادار نه‌ويه‌ له‌ پيشنياره‌گه‌ی يه‌كێتی و هويچ مه‌رجيگيش قه‌بول ناكا

حاجی له‌ لێدوانيگ رووژنامه‌گه‌ری ئه‌را(شه‌فه‌ق نيوز)ئه‌وه‌ ده‌رخست ك جمشته‌گه‌ی ئاگادار نيه‌ له‌ ناوه‌ڕوك ئه‌و پيشنياره‌ ك له‌لايه‌ن يه‌كێتی نيشتمانيه‌و پيشكه‌ش كرياسه‌ پارت ديموكرات و باس له‌وه‌يش كرد ك يه‌كێتی ئاماژه‌ وه‌ هويچ پيشنياريگ نه‌كردگه‌ له‌ی باوه‌ته‌و له‌ دويا دانيشتن ناونی خوه‌ی و گۆڕان.

جی باسه‌، حاجی له‌باوه‌ت مه‌سه‌له‌ی ئاڵشتكردن سه‌رۆك په‌رله‌مان كوردستانيش وت: هويچ مه‌رجيگ له‌ هه‌ر لايه‌نيگ له‌ی باوه‌ته‌و قه‌بول ناكه‌يم و يه‌يش ده‌رخست ك دويای ئارامه‌وبوين باره‌گه‌و گله‌وخواردن سه‌رۆك په‌رله‌مان و وه‌زيره‌يل ئه‌را پۆسته‌يليان جمشته‌گه‌ ئاماده‌س ئه‌را گفتگوو له‌بان مه‌سه‌له‌يل جواجوور.