نێچیرڤان بارزانی و زاری دووپات کەنە بان دۊرخستن عراق لە ململانێیە هەرێمییەیل
شەفەق نیوز - هەولێر
نێچیرڤان بارزانی، سەرۆک هەرێم کوردستان، وەرد ئەمیندار گشتی پرۆژەی نیشتمانی عراقی، جەمال زاری، لە چەوپیکەفتنیگ کە ئمڕوو چوارشەممە، باس رەوشە سیاسییەیل و دویاترین وەرەونواچگنەیل ناوخۆیی لە وڵاتەگە کرد.
بەیاننامەیگ کە لە سەرۆکایەتی هەرێمەگە دەرچگە دیاری کرد، کە هەردوگ لایەنەگە لە دیدارەگە دووپات کردنە بان گرنگی هازدارکردن هەماهەنگی و هاوکاری لە ناوەین گشت لایەنەیل و هێزە سیاسییە عراقییەیل ئەرا رۊوەرۊبۊن ئاڵنگارییە ئیسەییەیل و کار هاوبەش، وە شیوەیگ کە بکەفێدە خزمەت ئاسایش عراق و سەقامگیرییی و بەرژەوەندی باڵای وڵاتەگە.
وەپەی بەیاننامەگە، دویاترین وەرەونواچگنەیل لە ناوچەگە تەوەریگ ترەک بوین لە دیدارەگە، وەختێگ هەردوگ لایەنەگە دووپات کردنە بان هەوەجەی دۊرخستن عراق لە ململانێ و ئاڵۆزییە هەرێمییەیل، و پارێزگاری لە ئاسایش و سەقامگیرییی.