کوردستان زیاتر لە 48 ملیار دینار لە داهاتەیل نانەفتی ئەرا بەغداد کلکرد
2025-04-22T13:45:51+00:00
شەفەق نیوز/ وەزارەت دارایی و ئابوری هەرێم کوردستان، ئمڕوو سێشەممە، راگەیان بەش خەزینەی فیدراڵی لە داهاتەیل نانەفتی تایوەت وە مانگ ئازار ئمساڵ کلکریاس ئەرا بان حساو وەزارەت دارایی فیدڕاڵی.
وەزارەتەگە لە بەیاننامەیگ رەسیە ئاژانس شەفەق نیوز راگەیان، "بڕ کلکریاگە 48 ملیار و 205 ملیۆن و 765 هەزار دینار لراقیە، وە شیوەی کاش خریارە بان حساو بانکی تایوەت وە وەزارەت دارایی فیدڕاڵی لە لق هەولێر بانک ناوەندی عراقی".
وەزارەت دارایی و ئابووری حکومەت هەرێم کوردستان لەماوەی مانگ شوبات وەرین نزیکەی 52 ملیار دینار لە داهاتەیل نانەفتی ئەرا خەزینەی فیدراڵی لە بەغدا کلکرد.
