کوردستان دووپات کەێد کە تویشهاتن وە تەو خوینوەربوین توومار نەکردیە

شەفەق نيوز/ سامان بەرزنجی وەزیر تەندروسی لە هەرێم کوردستان، ئمڕوو یەکشەممە، وت: وەزارەتەگە هویچ تویشهاتنیگ وە تەو خوینوەربوین لە ناوچە و شارەیل هەرێم کوردستان توومار نەکردیە، هەرچەن لە بەشیگ پارێزگایل عراق بڵاو بویە.

بەرزنجی ئەرا رووژنامەنویسەیل وت: ریژی مردن وە تەو خوینوەربوین هاناوەی 50 - 60% ، چوینکە پەتاگە خوەینوربوین ناوەین دروس کەێد و کۆنتڕۆڵکردنی سەختە.

وتیش: لە ساڵەیل گوزەشتە لە هەرێم کوردستان تویشهاتن توومار کریا، خوەشبەختانە توەنستیمن چارەسەریان بکەیمن.

دویەکە شەممە، وەزارەت تەندروسی دووپات لە ڕاسی ئەو زانیاریەیلە کرد کە رەسینە ئاژانس شەفەق نیوز لەباوەت توومارکردن دوو مردن وە بیماری تەو خوینوەربوین لە پارێزگای کەرکوک، و ئاشکرای توومارکردن 14 تویشهاتن وە بیماریەگە لە پارێزگایایل جویراجویر کرد.