واشینتۆن: پشتگیریکردن هەرێم کوردستان بەشیگ ستراتیژیە لە سیاسەت ترەمپ
شەفەق نيوز/ ماركۆ روبيو وەزیر دەیشت ئەمریکا، ئمڕوو شەممە، دووپات لە پابەندبوین وڵاتەگەی وە پشتگیریکردن هەرێم کوردستان کرد، لە چوارچیوەی عراق فیدڕاڵ، و دیاری کرد کە ئی پشتگیریکردنە بەشیگ سەرەکیە لە سیاسەت ئەمریکا لە ناوچەگە، لە سای ئیدارەی سەرۆک دۆناڵد ترەمپ.
قسەیل ڕوبیۆ لە چەوپیکەفتنی وەرد مەسروور بارزانی سەرۆک حکومەت هەرێم کوردستان لە واشینتۆن پایتەخت ئەمریکا تیەێد، لە چوارچیوەی ئەو سەردان فەرمیە کە ئەرا ئەمریکا ئەنجام دەێد.
حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: وەزیر ئەمریکی ئامادەیی وڵاتەگەی ئەرا پشتگیریکردن حکومەت هەرێم کوردستان لە جویراجویر چینەیل نووەو کرد، و ئافەرین لە رۆڵ هەرێم کوردستان کرد ئەرا میوانداریکردن پەنابەرەیل و ئاوارەیل، و مقیەتیکردن ماف پیکاتەیل نەتەوەیی و ئاینی.
هەمیش دووپات لەبان گرنگی دووارە هەناردەکردن نەفت هەرێم کوردستان لەڕی کڕ لویلەیل عراق - تورکیا کرد، و باس گرنگیدانی وە چاکسازیەیل لە حکومەت هەرێم، وە تایبەت لە چین هەمەڕەنگکردن ئابووری و مسۆگەرکردن مافەیل دەستووری و دارایی ئەرا کوردستان.
جی باسە کە مەسروور بارزانی سەرۆک حکومەت هەرێم کوردستان مکیسیگ فەرمی مارکو ڕوبیۆ وەزیر دەیشت ئەمریکا کرد ئەرا سەردانکردن هەولێر، ئەوەیش لە دیداریان لە واشینتۆن لە سەردانیگ فەرمی وە ئامانج پاڵپشتیکردن پەیوەندییەیل دووانی و باسکردن لە رەوشەیل هەرێمی.
