واران وارین لە بەشیگ لە ناوچەیل هەرێم دەس وەپی کەێد

شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو دووشەممە، کەشوهەوای دوو رووژ دیاریکرد.

کەشناسی لەبەیاننامەیگ راگەیان "ئمڕوو ئاسمان لناوەین ساماڵ و نیمەئەورە و پلەی گەرمی نزیکە لە توومارەیل دویکە".

دیاریکرد "سوو ئاسمان هاناوەین ئەور تەواو تا نیمەئەور، و لە وەخت شەوەکی واران و بەڵاچەس لە بڕیگ ناوچەیل  بادینیان و سنوور قەزای ئاکرێ تا ناوچە سنووریەیل باکور گرێدەو، مەزەنەی شمارەی فرەیگ بەڵاچە کرێد لەی ناوچەیلە، لە وەخت ئیوارە رێژەی کەمیگ پچرپچر لە ناوچەیل پارێزگای  هەولێر و ئیدارەی سەروەخوەی سۆران و  سلێمانی گرێدەو.  

بەرزترین پلەی گرمی مەزەنەکریاگ لە شار و ناوچەیل هەرێم:

هەولێر : 28  پلەی سیلیزی

سلێمانی : 24پلەی سیلیزی

دهۆک : 25  پلەی سیلیزی 

کەرکوک : 30 پلەی سیلیزی  

زاخۆ  : 25 پلەی سیلیزی

هەڵەبجە : 24 پلەی سیلیزی

سۆران : 18 پلەی سیلیزی

حاجی ئۆمەران : 13 پلەی سیلیزی

گەرمیان :28 پلەی سیلیزی.