واران و بەڵاچە تەپوتوز روی لە هەرێم کودستان کەێد

شەفەق نیوز/ دەسەی کەشناسی هەرێم کوردستان، ئمڕوو یەکشەممە، مەزەنەی واران وارین و بەڵاچە کرد.

دەسەگە لە بەیاننامەیگ رەسیە ئاژانس شەفەق نیوز راگەیان "ئمڕوو ئاسمان نیمە ئەرە وەرد تاوە واران وارین و بەڵاچە لە شوین و وەختەیل جیاواز لە شەو هاتێ واران رفتیگ و بەڵاچە بوود لە ناوچەیل باکوور هەرێم و پلەی گەرمی 2 پلە داوەزیان وەخوەی دوینێد بیجگە لە پارێزگای دهۆک 2 پلە بەرزەوبوود".

دەسەگە دیاریکرد "سوو ئاسمان لەکە ئەورە لەناوچەیل باکوور نیمە ئەور تا ئەور تەواوە، وەرد نمە واران و بەڵاچە وە تایوەت لە ناوچەیل باکوور و باکوور خوەرهەڵات و هاتێ تەپوتوز بەرزەوبوود وە تایوەت لە ناوچەیل  گەرمیان و خوەرهەڵات هەرێم".

هەولێر : 31  پلەی سیلیزی

سلێمانی : 30 پلەی سیلیزی

دهۆک : 31  پلەی سیلیزی 

کەرکوک : 36 پلەی سیلیزی  

زاخۆ  : 31 پلەی سیلیزی

هەڵەبجە : 32 پلەی سیلیزی

سۆران : 29 پلەی سیلیزی

حاجی ئۆمەران : 19 پلەی سیلیزی

گەرمیان :37 پلەی سیلیزی.