وە ماوەی یەک هەفتە.. تورکیا 128 پەلامار وەبان دهۆک جیوەجی کردگە
شەفەق نيوز/ کامەران عوسمان ئەندام تیمەیل دروسکەرەیل ئاشتی کۆمەڵانی لە کوردستان، ئمڕوو جمعە، راگەیان کە سوپای تورکیا وەردەوامە لە پەلاماردان ناوچەیل سنووری لە قەزای ئامێدی، لە لەماوەی یەک هەفتە 83 ئۆپراسیۆ جیوەجی کرگ.
عوسمان لە بەیاننامەیگ رەسیە ئاژانس شەفەق نیوز وت: سوپای تورکیا لە 24 ئی مانگەز 83 پەلامار وەبان کویەی نزاركی لەبان سنوور ناحیەی سمیلان لە قەزای ئامێدی جیوەجی کردگە.
وتیش: گشت پەلامارەیل لەبان شوینیگ دیاریکریای بوی کەفتە وەر گورزەیل رووژنە وە تووپخانەی تورکی، دیاری کرد کە سوپای تورکیا تەنیا وەماوەی هەفتەی گوزەشتە 45 گلە تووپواران ئاوایەیل ناوچەی (بەری گاری) لەناو سنوور ناحیەی دیرالۆگ لە قەزای عمادیە کردگە.
وتیش: شمارەی پەلامارەیل تورکیا وەبان هەرێم کوردستان لە ماوەی یەک هەفتە رەسیە 128 پەلامار، گشتی وە تووپخانە بوی، دووپاتیش کرد کە وەگەرد خەسی تووپوارانەگە، قوربانی لەناو مەدەنیەیل توومار نەکریاس، وەلێ وەردەوامی پەلامارەیل رخ و نیگەرانی لوهتن هەڵم ناوچەیل سنووری لە قەزای ئامێدی دروس کەێد.
