کوڕیگ لە سلێمانی وە "کلاشینکۆف" کۆتایی وە ژیان خوەی تیارێد

شەفەق نیوز ـ سلێمانی

وەڕێوەبەرایەتی پۆلیس پارێزگای سلێمانی، ئمڕوو سێشەممە، ئاشکرایکرد، خوەیکوشتن گەنجیگ خوار تەمەن 18 ساڵ توومارکردنە، دیاریکرد لێکۆڵینەوە تا ئیسە وەردەوامە لەناوەین نەوین زانیاری سەرەتایی لەبان قوربانیەگە.

قسەکەر پۆلیس سلێمانی، رائد سەرکەوت ئەحمەد، وە ئاژانس شەفەق نیوز وت؛ "شەوەکی ئمڕوو خەوەردارکریایمن لە حاڵەتیگ خوەیکوشتن لەناوچەی ئاشتی سەر وە شار سلێمانی، هنای هێزەل پۆلیس رەسنە شوین رویداوگە تەرم گەنجیگ پەیاکردن کە لەری  چەک (کلاشیکۆف) خوەی کوشتبوی.

وتیش، "هویردەکاری رویداوەگە تا ئیسە دیار نییە، نەتوەنستنە برەسنە ئەو هووکارەیلە کە پاڵنەر بویە ئەرا خوەیکوشتن گەنجەگە" دووپاتکرد "لێکۆڵینەوەیل وەردەوامە، و تەرم قوربانیەگەش تا ئیسە ها پزیشک دادوەری".

ئاشکرایکرد، "قوربانیەگە تا ئیسە نەناسریاس، و هویچ سکاڵا یا ئاگاداریگ وەلایەن کەسوکاری یا کەسیگ لە ئەندامەیل خێزانەگەی توومارنەکریاس، یەیش هیشتیە کووکردن زانیاری و دیاریکردن هووکار رویداوەگە سەختر بوود".