وەزارەت پلانسازی کوردستان: ریژەی بیکاری و لاتی لە هەرێم کوردستان لەو ناوچەیل عراق کەمترە

شەفەق نيوز - هەولێر 

سیروان محمد جینشین وەزیر پلانسازی لە هەرێم کوردستان، ئمڕوو سێشەممە، وت: ریژەی لاتی و بیکاری لە هەرێم کوردستان کەمترە لەو بەشەیل عراق.

 محمد ئەرا ئاژانس شەفەق نیوز وت: ریژەی لاتی و بیکاری لە هەرێم کوردستان کەمترە لەوەگ لەو بەشەیل عراق هەس، کە ریژەی لاتی لە هەرێم کوردستان لە دویاترین وەشکین لەلایەن وەزارەت پلانسازی رەسیەسە 8.6 لەسەد، لە وەختیگ ریژەی لاتی لە عراق رەسێدە 19.5 لەسەد.

وتیش: وەزارەتەگە پلان دیرێد ئەرا کەمەوکردن ریژەی لاتی لەوە کەمتر.