وەزارەتیگ لە هەرێم کوردستان وە فرەمی راگەیان: 75% دەرفەت کارکردن دانشتگەیل هەرێمە 25% ئەرا کراکارەیل بیانیە
2022-10-07T09:06:19+00:00
شەفەق نیوز/ وەزارەت کاروبار کۆمەڵایەتی لە حکومەت هەرێم کوردستان، ئمڕوو جومعە، راگەیان، 75% لە دەرفەت کارکردن لە هەر پرۆژەیگ و پیشەیگ لە هەرێم کوردستان بایەتە هاوڵاتیەیل بوون، نیەود رێژەی کارکردن کراکارەیل بیانی 25% زیاتر بوود.
وەزارەت کاروبار حکومەت هەرێم کوردستان لە بەیاننامیگ رەسیە ئاژانس شەفەق نیوز وت، وەگورەی بڕیار ئەنجومەن وەیزیرەیل شمارە 172 لە 20 ئەیلوول 2022 وە نویسریاگ فەرمی وەلایەن سەرۆک وەزیرەیل دەرچگە، بایەتە 75% دەرفەت کارەیل لە هەر پرۆژە و پیشەیگ لە هەرێم ئەرا هاوڵاتیەیل کوردستان بوود.
وتیش، بایەتە لە پرۆژە و کارەیل لە بازاڕەیل کەرت تایبەت رێژەی کراکارەیل بیانی لە 25% رەدنەکەێد.
