وەزیر دەیشت فەرەنسا رەسێدە هەولێر

شەفەق نيوز/ جان نوێل بارۆ، وەزیر دەیشت فەرەنسا، ئمڕوو چوارشەممە، رەسیە شار هەولێر پایتەخت هەرێم کوردستان.

پەیامنێر ئاژانس شەفەق نیوز وت: بارۆ رەسیە فڕوکەخانەی ناودەوڵەتی هەولێر، و سەفین دزەیی سەرۆک فەرمانگەی پەیوەندییەیل دەرەکی لە حکومەت هەرێم کوردستان لە پیشوازیی بوی.

وتیش: بڕیارە وەزیر فەرەنسی، وەگەرد سەرکردەیل کوردستان دانیشێد.

شەوەکی ئمڕوو، جان نوێل بارۆ، وەزیر دەیشت فەرەنسا، رەسیە بەغدای پایتەخت، و کونگرەیگ رووژنامەوانی وەگەرد هاوتەریبی فوئاد حسێن ئەنجام دا، و ئاشکرای پشتگیریکردن وڵاتەگەی ئەرا عراق کرد، ئەرا زاڵبوین سەروەری تەواوی لەبان زەویەیلی، و باس گرنگی وەردەوامی پشتگیریکردن ئابووری و ئەوزەڵکردن لە ساڵەیل ئایندە کرد.