وەرگری شارستانی زیاتر لە 100 دۆنم گەنم لە کەرکوک رزگار کەێد

شەفەق نيوز/ وەڕیەوبەرایەتی وەرگری شارستانی لە ناحیەی ئاڵتوون کوپری لە پارێزگای کەرکوک، ئمڕوو جمعە، کپەوکردن ئاگریگ راگەیان کە لەناو خەلەی کشتوکاڵب لە ئاوایەیل یارمجە هیز گرد، و زیاتر لە 100 دۆنەم گەنم لە سزیان قورتار کرد.

سەرچەوەیگ لە وەڕیەوبەرایەتیەگە ئەرا ئاژانس شەفەق نیوز وت: ئاگرەگە لە ئەنجام شۆرتیگ کارەبا بڵویزە کردگە، و زەوی رەسیە ناوچەیل شانی لە خەلەیل کشتوکاڵی، وەلێ دەسوەردان زویوەزوی وەلایەن تیمەیل وەرگری شارستانی لە ناوەند ئاڵتوون کوپری نەیشت زیاتر بچوود.

 وتیش؛ تەقەلایل فرە هیشت تیمەیل دەورگرد ئاگرەگە بگرن، و لەو خەلەیل جیایەو بکەن، کە دەسمیەتی دا لە مقیەتیکردن زیاتر لە 100 دۆنم گەنم، کە ئامادە بوی ئەرا درەو.

سەرچەوەگە باس گرنگی وەشوینکەفتن رینمایەیل بیوەیی گشتی لە وەرز درەو، ئەرا مقیەتیبوین لەیجویرە رویداوەیلیگ.