وە دەوانچەی باوگی.. مناڵیگ مەوقەی بازیکردن لە ناوچەیگ هەرێم کوردستان مناڵیگ ترەک کوشێد

شەفەق نيوز/ وەڕیەوبەرایەتی پولیس ناوچەی گەرمیان، لە هەرێم کوردستان، ئمڕوو سێشەممە، خەوەردا کە مناڵیگ مەوقەی بازیکردن وە دەوانچەی باوگی لە قەزای کەلار مناڵیگ ترەک کوشتیە.

 عەقید عەلی جەمال قەدوری قسەکەر پولیس لە پۆستیگ لەبان سۆشیال میدیا وت:  مناڵیگ لە تەمەن شەش ساڵان وەناو (لانۆ سرود سەعدون)  وەدەس مناڵیگ ترەک وە گولەی دەوانچە لە گەڕەک بەردەسور لە قەزای کەلار کوشتیە، و تەرمەگە ئەرا خەسەخانەی شەهید هەژار بریا.

وەقسەی باوگ قوربانیەگە، زانستیە کە کوڕەی مەوقەی بازیکردن لەناو جادە کوشیاس.

قسەکەر پولیس وتیش: ئەندامەیلیگ پولیس وەکوتپڕ رەسینە شوین رویداوەگە، و دویای لێکۆڵینەوە دەرکەفت کە مناڵیگ لە تەمەن 10 ساڵان، دوزانسەی باوگی ئەرا جادە بردیە، ن تەپە لەو مناڵ قوربانیە کردیە و کوشتیەسەی.

وتیش: مناڵە بکوشەگە و باوکی وە فەرمان دادوەر دەسگیر کریا وەگورەی مادەی 405 لە یاسای سزادان، و لێکۆڵینەوە لە رویداوەگە وەردەوامە.