وەئامادەبوین ئەدیبەیل کورد لە جەهان.. دەسکردن وە چاپ پەنجەم لە ڤیستواڵ روشنهویری دهۆک.. وینە
شەفەق نیوز/ پارێزگای دهۆک لە هەرێم کوردستان، ئمڕوو یەکشەممە، دەسکردن وە چالاکیەیل پەنجەمین ڤیستواڵ روشنهویری دهۆک وەخوەی دی، ک یەکێتی ئەدیب ونویسەرەیل پارێزگاگە سازێدەی.
دەیان لە ئەدیب ونویسەرەیل کورد لە جەهان ئامادەی ئی ڤیستواڵە بوین، هەمیش نەختینەیگ لە ئەدیب و شاعرەیل عەرەب لە جویراجویر وڵاتەیل عەربی.
حەسەن سلیفانی سەرۆک یەکێتیەگە لە وتار وازکردنەگە ک ئاژانس شەفەق نیوز ئامادەی بوی وت: ڤیستواڵەگە فۆکس لەبان چەن تەوەریگ کەێد، زاقتریان کاردانەوەی هەڵمەتەیل ئەنفال لەبان ئەدەب کورد، هەمیش تۆێژینەەوەیل لە سیمای روومانی کورد، و ئەوەسا یەکیگ لە تەوەریل ڤیستواڵەگە لە جویلەی ئەڵگەردان و گرنگیی بوود.
ئەو ڤیستواڵ روشنهویریە، ئەوەسا پیشکەشکردن بڕیگ لە ئیوارەیل شاری لەلایەن شاعرەیلیگ کورد وەخوەی دوینێد، ک لە ناوچەیل کوردستان هاتنە.
جی باسە، ک ئەو ڤیستواڵە ک تا دوو رووژ وەردەوامە، وە چەودیریکردن مەسعود بارزانی سەرۆک پارت دیموکراتی کوردستان کریەێد ک ئامادەی ڤیستواڵەگە بوی و وتاریگ پیشکەش کرد، و داوای وەردەوامییان لە خەبات روشنهویری و وەرگری لە کەلتوور و فۆلکلۆر کوردی کرد.
