هاتێ ئمڕوو کەمیگ نمە واران لە سنوور پارێزگای هەولێر و دهۆک بوارێد

شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو یەکشەممە، مەزەنەی کەشوهەوای شار و ناوچەیل هەرێم کرد.

دەسەگە لە بەیاننامەیگ راگەیان "ئمڕوو ناوچەگەمان وە گشتی نیمە ئەورە وەردئەگەر نمە واران لەبان بەشیگ لە ناوچە کویەیلەی سنوور پارێزگای هەولێر و دهۆک، پلەی گەرمی کەمیگ بەرزەوبوود".

دیاریکرد "سوو ئاسمان هەرێم نیمەئەورە و گاجاریگ ئەور تەواو بوود وەرد نمە واران لە وەخت  و شوینەیل جیاواز سنوور  پارێزگاى دهۆک و  سنوورى پارێزگاى سلێمانى وەرد تریشقە لە وەخت واران و هاتی کەمیگ واران بوود لەبان ناوچە کویەیلەی پارێزگای هەولێر،  وەرد هاتن شەپۆلیگ واران وارین وەبان ناوچەگەمان لە دیروەخت شەو دوشەممە".

 ئاشکرایکرد، "لە  سنوور پارێزگاى هەولێر و دهۆک پلەی گەرمی وە  (2-3) پلەى سیلیزى نزمەوبوود بەڵام لە سنوور پارێزگاى سلێمانى و هەڵەبجەو کرکووک بەرزەوبوود" .

بەرزترین پلەی گەرمی مەزەنەکریاگ وە پلەی سیلیزی:

هەولێر :  20 پلەى سیلیزى

سلێمانى: 23 پلەى سیلیزى

دهۆک : 19 پلەى سیلیزى

زاخۆ :  18 پلەى سیلیزى 

هەڵەبجە :24 پلەى سیلیزى

کەرکوک:  26 پلەى سیلیزى

سۆران : 18  پلەى سیلیزى

حاجی ئۆمەران: 15 پلەى سیلیزى

گەرمیان : 28 پلەى سیلیزى.