هەولێر وە وسیانبگ لە سەنتەر شار یاد تاوان هەڵەبجە کەێد (وینە)
شەفەق نیوز/ شار هەولێر پایتەخت هەرێم کوردستان، ئمڕوو یەکشەممە، وسیانیگ یادکردن تاوان هەڵەبجە لە ناوەند شارەگە و دامودەزگا فەرمییەیل وەخوەی دی.
پەیامنێر ئاژانس شەفەق نیوز لە هەولێر وت: لە شار هەولێر وسیانیگ یادکردن ئەرا تاوان هەڵەبجە ڕێکخریا، کە لەناوی وەڕیەوبەرە بەشەیل و فەرمانبەرەیل و هاووڵاتیەیل بەشداری کردن.
وتیش: وسیانەگە لە سەنتەر شار و ری ناوخۆیی و گشتییەیل ئەنجام دریا و پەرلەمان کوردستانیش لەلای خوەیەو وسیانیگ ئەنجام دا.
ئمڕوو 37 ساڵ وەبان کیمیاوارنکردن شار هەڵەبجە لەلایەن رژیم وەرین رەد بوود، کە بویە مدوو کوشیان زیاتر لە پەج هەزار و 500 هاوڵاتی عراقی، بیجگە هەزاران زەخمداری سەخت، وەگەرد بڵاوبوین بیماری شێرپەنجە.
رووژ 17ی کانوون دویەم 2010، دادگای باڵای تاوانەیل عراق بڕیار کۆتایی خوەی لە بان ئەو کەسەیلە دەرکرد کە لە تاوان دڵتەزن کیمیاوارنکردن شار هەڵەبجە سزا دریان.
ڕاپۆرتە ناودەوڵەتییەیل باس ئەوە کەن کە کیمیاوارنکردن شار هەڵەبجە بەشیگ بویە لە زنجیرەیگ تاوان جینۆساید رژیم بەعسی سەدام لە باشوور کوردستان، کە وە پەلامار تونوتیژی وەبان کوردەیل فەیلی دەسوەپی کرد و دەیان کەس کوشت و هەزاران کەسیش ئاوارە کرد و هیمان چارەنویس هەزاران دیار نییە.
