هەولێر زەنگ رخداری کوتێد لەوەر داوەزیان ئاست ئاو لە ژیر و بان زەوی
شەفەق نيوز/ سەباح هەورامی وەڕیەوبەر سامانەیل ئاو لە هەرێم کوردستان، ئمڕوو یەکشەممە، خەوەردا کە ئاست ئاو ژیرزەوی وەردەوامە لە داوەزیان، و هەرێم کوردستان یەک لە سێ سامانەیلی لە ئاو ژیرزەوی لەدەسداگە لەوەر ئاڵشتبوین کەشوهەوا.
هەورامی لە بەشداریکردنی لەناو کۆنگرەی کوردستان ئەرا ئاڵشتبوین کەشوهەوا لە هەولێر وە ئامادەبوین پەیامنێر ئاژانس شەفەق دیاری کرد کە رەوش ئاو ژیرزەوی لە هەرێم کوردستان خاس نییە، و بایەسە وەشیوەی وەرپرسایانە وەگەردی رەفتار بکریەێد، وتیش؛ ئاڵشتبوین کەشوهەوا کاریگەری گەورەیگ لەبان هەرێم کوردستان داشت.
وتیش؛ حکومەت هەرێم کوردستان پلانیگ ستراتیژی ئەرا مقیەتیکردن ئاو دانا، هەرلە بیناکردن بەنداو و کوڵەمەیل تا رەسێدە جیوەجیکردن پڕۆژەی ئاو فریاکەفتن لە هەولێر، کە پەیا کار لەلی کریەێد، وتیش: دویای تەواوکردن ئی پڕۆژە زیاتر لە هەزار بیر بەسیەن.
هەورامی دووپاتیش کرد کە ئیران چەن پڕۆژەیگ لەبان ئەو سەرچەوەیل ئاوە بینا کرد کە ئەرا کوردستان تیەن، و لەەوەر ئەوە قەزای پشدەر ز قەڵادزێ زیان لە گیچەڵ کەمئاوی لە چەو زێو بویچگ دیرن، و پارێزگای هەڵەبجەیش زیان لە کەمئاوی لە چەم سیروان دیرێد.
جی باسە کە کۆنگرەیل ئاڵشتبوین کەشوهەوا وەلایەن کۆمەڵگەی "نولج" وەڕیەو چن، وە هاوکاری فەرمانگە و لایەنەیل پەیوەندیدار، لەلییان دەزگای ژینگە، و وەزارەت شارەوانیەیل، و وەزارەت کشتوکاڵی، و وەڕیەوبەرایەتی گشتی پلانسازی لە هەرێم کوردستان.
